Qvardiola Rodrini əvəz edəcək futbolçuları seçib

“Mançester Siti” diz bağından zədə alan Rodri Hernandesi uzun müddətə itirib.

Komanda.az “The Telegraph”-a istinadən xəbər verir ki, “şəhərlilər” bununla bağlı “qızıl top”un sahibinə əvəzləyici axtarmağa başlayıblar.

İngiltərə çempionu iki futbolçu ilə maraqlanır. Söhbət “Real Sosyedad”ın yarımmüdafiəçisi Martin Subimendi və “Atalanta”nın oyunçusu Ederson Silvadan gedir. Bu futbolçuları şəxsən “Mançester Siti”nin baş məşqçisi Pep Qvardiola seçib.

“Şəhərlilər” İngiltərə çempionatının 12 turundan sonra 23 xalla turnir cədvəlinin 2-ci pilləsində qərarlaşıb. Pep Qvardiolanın yetirmələri lider “Liverpul”dan 8 xal geri qalır.