“Mbappe inamsız və utancaq görünür”

“Real”in sabiq futbolçusu Quti komandanın hücumçusu Kilian Mbappe haqda danışıb.

Komanda.az “Mundo Deportivo”-ya istinadən xəbər verir ki, ispaniyalı keçmiş futbolçu, Mbappenin inamsız və utancaq göründüyünü bildirib:

“Mbappe açıq-aydın yüksək səviyyədə deyil. Bu, reallıqdır. Biz hamımız Mbappe ilə nə baş verdiyini bilmək istərdik. O, inamsız və utancaq görünür. “Liverpul”la matçda penaltidən bir neçə dəqiqə sonra o, qorxmuş görünürdü. Performansından qətiyyən razı deyil və daha çox şey istəyir. Mbappeni heyətdən uzaqlaşdırmaq ən pis addım olardı. Prezident Florentino Peres, klub və Karlo Ançelotti onu qoruyacaq. Mən ona inanıram. Bir oyunçunu tənqid etmək və ona layiq olmadığını söyləmək asandır, lakin Mbappe dünyanın ən yaxşı futbolçularından biridir”.

Fransalı forvard “Liverpul”la keçirilən son UEFA Çempionlar Liqası matçında (0:2) penaltidən yararlana bilməyib.