“Barselona”da ciddi itki

“Barselona”nın müdafiəçisi İniqo Martines La Liqada “Las Palmas”la qarşıdakı matçda oynamaya bilər.

Komanda.az xarici KİV-ə istinadən xəbər verir ki, ispaniyalı futbolçu UEFA Çempionlar Liqasında “Brest”lə matçdan sonra (3:0) əzələ diskomfortu hiss edib. Bu səbəbdən, onun “Las Palmas”la oyunda iştirakı şübhə altındadır.

33 yaşlı müdafiəçi cari mövsümdə “Barsa”nın 18 matçında iştirak edib, 2 qol vurub və 2 məhsuldar ötürmə verib.

“Barselona” – “Las Palmas” matçı şənbə günü keçiriləcək.