ÇL: “Bütün komanda Mbappeni dəstəkləyir”

“Real”ın baş məşqçisi Karlo Ançelotti UEFA Çempionlar Liqasının 5-ci turunda “Liverpul”a qarşı keçirilən oyunda hücumçu Kilian Mbappenin penalti zərbəsini qaçırması haqda danışıb.

Komanda.az xarici KİV-ə istinadən xəbər verir ki, italiyalı çalışdırıcı bütün komandanın Mbappeni dəstəklədiyini bildirib:

“Bütün komanda Mbappeni dəstəkləyir. O, tezliklə axını döndərəcək. Kilian əla futbolçudur, səbirli olmaq lazımdır. O, təzyiqin öhdəsindən yaxşı gəlir və komandaya uyğunlaşır. Biz onun yanındayıq”.

Çempionlar Liqasının “Liverpul” – “Real” oyunu “Enfild” stadionunda baş tutub. İngilislər 2:0 hesabı ilə qalib gəlib.