Ərdoğan da ispanların qələbəsinə biganə qalmadı

Türkiyə Prezidenti Rəcəb Tayyib Ərdoğan 2026-cı il dünya çempionatının qalibi olan İspaniya millisini təbrik edib.

Komanda.az xəbər verir ki, dövlət başçısı sosial şəbəkə hesabında paylaşdığı mesajda bunları yazıb:

“Turnirdə qalib gələn İspaniya millisini təbrik edirəm. Bütün İspaniya xalqını salamlayır və ən səmimi arzularımı çatdırıram”.

Şimali Amerikada keçirilən dünya çempionatının finalında İspaniya millisi Argentina yığmasını 1:0 hesabı ilə məğlub edib. Matçın yeganə qolunu əlavə vaxtda hücumçu Ferran Torres vurub.

Bununla da, İspaniya tarixində ikinci dəfə dünya çempionu adına yiyələnib. Komanda ilk dəfə bu uğura 2010-cu ildə Cənubi Afrika Respublikasında keçirilən mundialda imza atmışdı.