Olmo: “Yaxşı ki, öz səviyyəmizə qayıda bildik”

“Barselona”nın yarımmüdafiəçisi Dani Olmo UEFA Çempionlar Liqasının 5-ci turunda “Brest” üzərində evdə qazandıqları qələbədən (3:0) danışıb.

Komanda.az UEFA-nın mətbuat xidmətinə istinadən xəbər verir ki, ispaniyalı futbolçu oyunu sakit keçirdiklərini bildirib:

“Çox yaxşı ki, öz səviyyəmizə qayıda bildik və azarkeşlərimizin önündə Çempionlar Liqasında üçüncü qələbəmizi qazandıq. Komandamız oyunu sakit keçirdi, amma elə məqamlar var idi ki, biz daha aktiv oynamalı idik”.

Hans-Diter Flikin komandası Çempionlar Liqasında 12 xal toplayaraq, turnir cədvəlində 2-ci pillədə qərarlaşıb. “Brest” 10 xalla 9-cu yerdədir.