ÇL: “Bu “İnter” mütləq Çempionlar Liqasını qazana bilər”

“Milan”ın sabiq müdafiəçisi Alessandro Kostakurta “İnter”in UEFA Çempionlar Liqasında uğur qazanmaq şansını yüksək qiymətləndirir.

Komanda.az xarici KİV-ə istinadən xəbər verir ki, italiyalı keçmiş futbolçu, belə bir “İnter”in Çempionlar Liqasını mütləq qazana biləcəyini söyləyib:

“Bu axşam “İnter”in oyununda hamının danışdığı çətinlikləri görmədim. Bəli, bir az daha dərindən müdafiə olundular, amma heç bir əziyyət görmədim. Fikrimcə, bu “İnter” mütləq Çempionlar Liqasını qazana bilər”.

Simone İnzaqinin komandası dünən Çempionlar Liqasında keçirilən matçda “Leyptsiq”i məğlub edib (1:0) və 5 turdan sonra 13 xalla ümumi mərhələnin turnir cədvəlinə başçılıq edir.

Milanlılar növbəti turda səfərdə Leverkuzen “Bayer”i ilə qarşılaşacaq.