“Mançester Yunayted”in qapıçısı mükafatlandırılıb

“Mançester Yunayted”in qapıçısı Andre Onana “FIFPRO Merit Award 2024” mükafatına layiq görülüb.

Komanda.az xarici KİV-ə istinadən xəbər verir ki, Beynəlxalq Peşəkar Futbolçular Assosiasiyaları Federasiyası (FIFRPO) kamerunlu futbolçunu işinə görə qiymətləndirib. “Onana fond”u pulsuz tibbi xidmət göstərir və Afrikada əməliyyatlar təşkil edir. Fond hər il 500-ə yaxın uşağa kömək edir.

28 yaşlı Onana 2024/25 mövsümündə “Mançester Yunayted”in heyətində 17 oyun keçirib, 19 qol buraxıb.

“Mançester Yunayted” hazırda İngiltərə çempionatının turnir cədvəlində 12-ci yerdədir.