Levandovski: “Qvardiola taktika dahisidir”

“Bayern”in sabiq, “Barselona”nın hazırkı hücumçusu Robert Levandovski hazırda “Mançester Siti”də çalışan ispaniyalı baş məşqçi Xosep Qvardiola haqqında fikirlərini bölüşüb.

Komanda.az xarici KİV-ə istinadən xəbər verir ki, polşalı futbolçu, Qvardiolanın taktika dahisi olduğunu bildirib:

“O, bir şəxs kimi oyunçular üçün çətin idi. Bununla belə, Qvardiola taktika dahisidir. Hamı onun arxasınca getsə, qalib gələcək. Sonradan onun necə dəyişdiyini gördüm. Pep başa düşdü ki, o, daha humanist və açıq olsa, bu, ona taktikadan daha çox kömək edəcək”.

Levandovski “Bayern”də Qvardiolanın rəhbərliyi altında çıxış edib. İspan mütəxəssis 2013-2016-cı illərdə Almaniya komandasını çalışdırıb.