Azərbaycan millisinə qol vurdu, İbrahimoviçin göstəricisini təkrarladı

İsveç yığmasının futbolçusu Viktor Qyekeres Azərbaycan millisinə qalib gəldikləri UEFA Millətlər Liqası matçında (0:6) Zlatan İbrahimoviçin göstəricisini təkrarlayıb.

Komanda.az xəbər verir ki, 26 yaşlı hücumçu buna oyunda poker etməklə nail olub.

“Sportinq” (Lissabon) klubunda çıxış edən forvard 12 ildən sonra İsveç yığmasında bir görüşdə 4 qol vuran ilk oyunçudur.

İbrahimoviç 2012-ci ildə İngiltərə ilə yoldaşlıq qarşılaşmasında 4 dəfə fərqlənib. O, 2004-cü ildə isə DÇ-2006-nın seçmə mərhələsində Malta ilə matçda eyni uğura imza atıb.