Azərbaycanın MMA döyüşçüsü Yaponiyada qələbə qazandı

Azərbaycanın və “Qəbələ” İdman Klubunun MMA döyüşçüsü Vüqar Kərəmov növbəti sınağına çıxıb.

Komanda.az xəbər verir ki, idmançımız “Rizin” turnirində Yaponiya təmsilçisi Kazumasa Majima ilə qüvvəsini sınayıb.

Qarşılaşma Yaponiyanın Naqoya şəhərində baş tutub. 70 kq çəkidə mübarizə aparan Vüqara qələbə üçün cəmi 28 saniyə kifayət edib. Bu qələbə təmsilçimizə kəmər uğrunda döyüşə vəsiqə qazanmaq şansı verib.

Kərəmov “Rizin” çərçivəsindəki 8 döyüşdə 6-cı qələbəsini qazanıb.