Salah həmyerlisi haqda: “Ona “Yeni Salah” deməyin”

“Liverpul”un hücumçusu Məhəmməd Salah Almaniyanın “Ayntraxt” (Frankfurt) klubunun forvardı Ömər Marmuşla müqayisə olunmasına münasibət bildirib.

Komanda.az xarici KİV-ə istinadən xəbər verir ki, o, həmyerlisi olan misirli futbolçunun istedadlı olduğunu deyib:

“Marmuş çox istedadlı futbolçudur. O, komandanın liderlərindən biridir. Ümid edirəm ki, o, daim mənimlə müqayisə olunmayacaq, çünki bu, ona təzyiq göstərəcək. Ona “Yeni Salah” deməyin. Qoy, Marmuş karyerasından həzz alsın. O, özünəməxsus şəkildə unikaldır”.

25 yaşlı Marmuş Bundesliqada 10 oyun keçirib, 11 qol vurub və 7 məhsuldar ötürmə edib.