Modriç Xorvatiyaya qayıtmaq ehtimalından danışdı

“Real”ın yarımmüdafiəçisi Luka Modriç vətəninə qayıtmaq ehtimalı barədə fikirlərini bölüşüb.

39 yaşlı futbolçunu Zaqreb “Dinamo”sunun transfer etmə ehtimalı var. Hansı ki, xorvat futbolçunun karyerası bu klubda başlamışdı.

Komanda.az “Madrid Xtra”-ya istinadən xəbər verir ki, Modriç Xorvatiyaya qayıtmaq ehtimalı ilə bağlı belə deyib:

“Xorvatiya çempionatına qayıtmaq? Gəlin görək, gələcəkdə necə olacaq, amma hazırda bunu çox düşünmürəm. İvan Rakitçi təbrik edirəm. O, geri qayıtdı və indi hər şey yaxşıdır. Biz tez-tez danışırıq. Mən “Hayduk”, “Dinamo” və digər bütün klubları izləyirəm. Fürsət yaranarsa, oyunları izləyirəm”.

Yaxınlarda Zaqreb “Dinamo”sunun baş məşqçisi Modriçi komandasında görmək istədiyini etiraf edib.