“Barselona”nın futbolçusu karyerasındakı ən yaxşı qələbədən danışdı

“Barselona”nın yarımmüdafiəçisi Mark Kasado İspaniya çempionatında “Real”la səfər oyununda qazandıqları qələbəni xatırlayıb.

Komanda.az “Mundo Deportivo”-ya istinadən xəbər verir ki, ispaniyalı futbolçu, “Real”ın stadionunda 4:0 hesabı ilə qalib gəlməyin “Barselona”nın məzunu üçün həmişə xüsusi məqam olduğunu bildirib:

“Barcelona” güclü rəqiblə oyunda öz səviyyəsini açıq şəkildə nümayiş etdirdi. Bu, karyeramın ən yaxşı qələbəsidir? Yəqin ki, bəli. “Real”ın stadionunda 4:0 hesabı ilə qalib gəlmək “Barselona”nın məzunu üçün həmişə xüsusi məqamdır”.

Kataloniya klubu hazırda İspaniya çempionatının turnir cədvəlində 2-ci yerdə qərarlaşan “Real”ı 6 xal qabaqlayaraq, 1-ci pillədədir.