“Roma” “sükan”ı millinin sabiq baş məşqçisinə tapşıra bilər

İvan Yuriç zəif nəticələrə görə istefaya göndəriləndən sonra “Roma” yeni baş məşqçi axtarır.

Komanda.az xarici KİV-ə istinadən xəbər verir ki, İtaliya klubunun “radar”ına bir sıra mütəxəssislər, xüsusilə, Massimiliano Alleqri və Roberto Mançini düşüb.

Romalıların geniş siyahısına Rumıniya millisinin sabiq baş məşqçisi Eduard Yordanesku da daxildir. İndiyədək A Seriyasında yalnız bir rumıniyalı mütəxəssis çalışıb. Belə ki, Mirça Luçesku 1998/99 mövsümündə “İnter”ə rəhbərlik edib.

“Roma” hazırda İtaliya çempionatının turnir cədvəlində 12-ci pillədə qərarlaşıb.