“Bodo Qlimt”in kapitanı “Qarabağ”la matç haqda: “Çox axmaq oynadıq”

Norveçin “Bodo-Qlimt” klubunun kapitanı Patrik Berq Avropa Liqasının əsas mərhələsinin 4-cü turunda “Qarabağ”a məğlubiyyəti (1:2) şərh edib.

Komanda.az NRK-ya istinadən xəbər verir ki, Norveç klubunun futbolçusu oyunla bağlı bunları deyib:

“Qarabağ”la oyun bəlkə də, bir futbolçu kimi uzun müddət ərzində keçirdiyim ən məyusedici axşam oldu. Mənə elə gəlir ki, oyunun son yarım saatında meydanda özümüzü itirdik. Çox axmaq oynadıq. Nədə səhv etdik? Biz həmişə parlaq son ötürmələr etmək istəyirik. İnanıram ki, bu komandalara qarşı evdə süni örtüklü meydançada oynamağın resepti rəqibi qaçmağa məcbur edən arxadan sürətli, uzun ötürmələrlə oynamaqdır. Amma biz daha yaxşı variant axtarmaqda çox canfəşanlıq edirik”.