“Rud, bir az daha məşq edək”

“Mançester Yunayted”in müvəqqəti baş məşqçisi Rud Van Nistelroy Amad Diallonun məşqdə çalışqanlığından danışıb.

Komanda.az “TNT Sports”-a istinadən xəbər verir ki, niderlandlı mütəxəssis Diallonun məşqlərdə inanılmaz olduğunu bildirib:

“Diallo məşqdə inanılmaz idi və oyun təcrübəsinin olmamasını bilindirmədi. Həmişə yaxşı məşq edirdi və dərslər bitdikdən sonra qalırdı. O, mənə dedi: “Rud, bir az daha məşq edək”.

Fil Dişi Sahilindən olan futbolçu oktyabrın əvvəlindən bəri ilk dəfə start heyətdə meydana çıxaraq, Yunanıstanın PAOK komandası ilə görüşdə iki dəfə fərqlənərək “Mançester Yunayted”ə qələbə (2:0) qazandırıb.

22 yaşlı yarımmüdafiəçi cari mövsümdə 15 matçda 3 qol vurub və 1 məhsuldar ötürmə edib.