ÇL: “Bu qələbə bizə çox kömək edəcək”

“Atletiko”nun hücumçusu Antuan Qrizmann UEFA Çempionlar Liqasında PSJ üzərində qazanılan qələbədən (2:1) danışıb.

Komanda.az “Movistar”-a istinadən xəbər verir ki, fransalı futbolçu bu qələbənin onlara çox kömək edəcəyini bildirib:

“Bu qələbə bizə çox kömək edəcək. Qarşısında oynamaq çox çətin olan “Atletiko”nu hamı görüb. Bu kimi oyunlar bizi daha da gücləndirir. Bir az bəxtimiz gətirdi, amma bu, futboldur. “Lill”ə qalib gəlməli idik, amma məğlub olduq. Üzərində işləyəcəyimiz bir çox şey var.

Burada – evdə oynamaqdan xoşbəxtəm. Bu, çox yaxşı stadiondur. Lakin mən daha da xoşbəxtəm və qürur duyuram ki, indi “Atletiko” forması geyinmişəm”.

“Atletiko” Çempionlar Liqasında növbəti oyununu noyabrın 26-da, Praqa “Sparta”sı ilə səfərdə keçirəcək.