Mbappe mövqeyindən narazıdır

“Real”ın hücumçusu Kilian Mbappe mövqeyindən narazıdır.

Komanda.az “sport.es”-ə istinadən xəbər verir ki, fransalı futbolçu baş məşqçi Karlo Ançelottinin ondan yöndəmsiz istifadə etdiyinə inanır.

Mbappe mərkəz hücumçusu kimi oynamaq istəmir. O, əmindir ki, hücumun cinahında oynasa, “Real”a daha çox fayda verə bilər.

25 yaşlı forvard “Real”a bu yay PSJ-dən azad agent kimi keçib. O, cari mövsümdə iştirak etdiyi 15 oyunda 8 qol vurub və 2 məhsuldar ötürmə verib.