“Çelsi”nin 21-ci əsrdə ən yaxşı 10 futbolçusu – SİYAHI

“Çelsi”nin 21-ci əsrdə ən yaxşı futbolçularının reytinqi açıqlanıb.

Komanda.az “Goal”-a istinadən xəbər verir ki, reytinqdə birinci yeri artıq “Çelsi”də məşqçi kimi də çalışmış Frenk Lempard tutub.

İkinci yerə Eden Hazard sahiblənib. Belçikalı keçmiş futbolçu London klubunda parladı, “Real”da isə uğursuzluğa düçar oldu və karyerasını erkən bitirdi.

İlk üçlüyü çoxlu vacib qollara imza atan “Çelsi”nin keçmiş hücumçusu Didye Droqba tamamlayıb.

İlk 10-luqda Con Terri, Canfranko Zola, Petr Çex, Nqolo Kante, Eşli Koul, Klod Makelele və Sesk Fabreqas yer alıb.