“Hazırkı “Mançester Yunayted” orta səviyyəli komandadır” – Keçmiş futbolçu

“Mançester Yunayted”in keçmiş kapitanı və yarımmüdafiəçisi Roy Kin “qırmızı şeytanlar”ın cari mövsümdəki çıxışı ilə bağlı fikirlərini bölüşüb.

Komanda.az “Sky Sports”-a istinadən xəbər verir ki, irlandiyalı keçmiş futbolçu, hazırkı “Mançester Yunayted”in orta səviyyəli komanda olduğunu bildirib:

“Hazırkı “Mançester Yunayted” orta səviyyəli komandadır. Bunu onların performansından da görmək olar. Ya qalib gəlirlər, ya da uduzurlar. Növbəti matçda necə oynayacaqları məlum deyil. İndi onlar Premyer Liqanın ilk 4-lüyünə qayıtmaqdan çox uzaqdırlar. Komanda orta səviyyəli oyunçulardan ibarətdir. Onların heç bir ləzzəti yoxdur”.

“Mançester Yunayted” Premyer Liqanın 10-cu turunda “Çelsi” ilə heç-heçə edib (1:1). “Qırmızı şeytanlar” 12 xal toplla turnir cədvəlinin 13-cü pilləsində qərarlaşıb.