Qara Qarayev “Araz-Naxçıvan”da – Rəsmi

“Araz-Naxçıvan” Qara Qarayevin transferini açıqlayıb.

Komanda.az xəbər verir ki, müxtəlif illərdə Azərbaycanın 17, 19, 21 yaşadək, eləcə də əsas millisində çıxış edən Qara Qarayev mövsümün sonuna qədər “qırmızı-ağlar”ın formasını geyinəcək.

Futbolçu ilə bu gün rəsmi müqavilə imzalanıb və o, heyət üzvlərinə təqdim olunub.

32 yaşlı yarımmüdafiəçi 2009-2023-cü illərdə “Qarabağ”ın, 2023-2024-cü illər mövsümündə isə “Neftçi”nin heyətində yer alıb. Futbolçu 9 dəfə Azərbaycan çempionu, 5 dəfə isə ölkə kubokunun qalibi olub.