“Komo” Tottini niyə yaşıl meydanlara qaytarmaq istəyir?

İtaliya mətbuatının əvvəlcə bunu zarafat kimi qəbul etməsinə, porno aktyor Rocco Siffredi isə hətta Françesko Tottiyə öz işinə başlamağı təklif etməsinə baxmayaraq, onun həqiqətən də karyerasını bərpa etmək fikri var.

Komanda.az “derbyderbyderby.it”-ə istinadən xəbər verir ki, “Komo” klubunun Totti ilə anlaşmaqda marağı ilk növbədə marketinq müstəvisindədir.

Kluba sərmayə qoyan indoneziyalı investorlar onun sayəsində pul qazanmaq istəyirlər. Buna görə də, A Seriyası tarixinin ən yaşlı oyunçusu baxımından rekordun “Komo”ya aid olmasına görə klubun nüfuzunu artıracağına inanırlar. İnvestorlar düşünürlər ki, Totti ilə anlaşma daha çox forma satmağa kömək edəcək.