Mourinyo: “Ten Haqın nəyə ümid etdiyini bilirəm”

“Fənərbaxça”nın baş məşqçisi Joze Mourinyo “Mançester Yunayted”in çalışdırıcısı Erik ten Haqın taktiki yanaşması ilə bağlı fikirlərini bölüşüb.

Komada.az xarici KİV-ə istinadən xəbər verir ki, portuqaliyalı mütəxəssis Ten Haqın nəyə ümid etdiyini bildiyini söyləyib:

“Düşünürəm ki, Ten Haqın nəyə ümid etdiyini bilirəm. Coşua Zirkze hücuma çıxanda onu sıxışdıra biləcəyimizi görmək istəyirdi. Belə olan halda, ortada daha bir boş oyunçu olacaq, belədirsə, Qarnaço və Markus Reşford üçün tələsməyə yer olmalıdır. Hesab edirəm ki, strateji baxımdan bu, yaxşı ideya idi”.

Mourinyonun yetirmələri dünən UEFA Avropa Liqasının liqa mərhələsinin 3-cü turunda evdə “Mançester Yunayted”lə heç-heçə edib – 1:1.