“Milan” “Real”la “Barselona”ya rəqib oldu – 17 yaşlı futbolçuya görə

“River Pleyt”də çıxış edən 17 yaşlı yarımmüdafiəçi Franko Mastantuono Avropanın daha bir top-klubunun hədəfinə çevrilib.

Komanda.az “Todofichajes”-ə istinadən xəbər verir ki, “Milan” Argentina klubunun oyunçusunu transfer etməkdə maraqlıdır.

İtaliya klubu “Real”, “Barselona”, “Arsenal” və “Mançester Siti”nin də yer aldığı argentinalı futbolçuya iddialılar siyahısına qoşulub.

Mastantuono 2024-cü ilin yanvarından “River Pleyt”də çıxış edir. Tərəflər arasındakı müqavilənin müddəti 2026-cı ilin dekabr ayının sonunda başa çatacaq.