“Onlar qarşılaşdığımız bütün rəqiblərdən fərqlidirlər” – Klopp

İngiltərənin “Liverpul” klubunun baş məşqçisi Yurgen Klopp ölkə superkubokunda “Mançester Siti” ilə keçirəcəkləri matçla bağlı açıqlama verib.

Komanda.az İngiltərə mətbuatına istinadən xəbər verir ki, alman mütəxəssis, bu matçın çətin keçəcəyini bildirib:

“Hazırlıq dövründə yaxşı oyun göstərdik. Artıq “Mançester Siti” ilə oyuna hazırlaşmaq üçün üç günümüz var. Göstərdiyimiz oyuna görə xoşbəxtəm, amma “Mançester Siti”yə qalib gəlmək üçün daha yaxşı oynamalı olduğumuzu da bilirəm. Onlar qarşılaşdığımız bütün rəqiblərdən fərqlidirlər. Onlarla matça hazırlaşmaq üçün onlara qarşı əvvəldən oyun keçirməlisiz, amma bizdə bu, alınmadı.

Artıq bütün futbolçuları bu matça hazırlamalıyıq. Məhəmməd Salah, Alisson Bekker və Roberto Firminonun bu matça hazır olub-olmadığını bilmirəm. Onların son vəziyyətinə baxıb qərar verəcəyik”.

“Liverpul”la “Mançester Siti” arasında keçiriləcək İngiltərə superkuboku matçı avqustun 4-də olacaq.