DÇ: Azərbaycan millisindən böyükhesablı qələbə

Azərbaycanın minifutbol üzrə U-23 millisi Xorvatiyanın Malıy Loşin şəhərində təşkil olunan dünya çempionatının qrup mərhələsində böyükhesablı qələbə qazanıb.

Komanda.az xəbər verir ki, Hindistanın müvafiq yaş qrupundan ibarət komandası ilə qarşılaşan yığma 16:0 hesabı ilə qalib gəlib.

Rəcəb Fərəczadənin baş məşqçisi olduğu komanda ilk oyunda Serbiyanın U-23 yığmasına 1:5 hesabı ilə uduzub. Hindistan millisi isə Çexiyaya müqavimət göstərə bilməyib – 1:26.

Azərbaycan millisi sabah Çexiya ilə üz-üzə gələcək.