ÇL: İranlı hücumçu “İnter”in məqsədini açıqladı

İranlı hücumçu Mehdi Taremi UEFA Çempionlar Liqasının cari mövsümündə “İnter”in hədəfindən danışıb.

Komanda.az “Sky Sport”-a istinadən xəbər verir ki, “İnter”in futbolçusu məqsədlərinin finala çıxmaq olduğunu bildirib:

“İnter” top-klubdur. Ona görə də, məqsədimiz Çempionlar Liqasının finalına çıxmaqdır. Komandamız hər görüşdə qələbə qazanmağa çalışmalıdır. Biz addım-addım irəliləyəcəyik”.

“İnter” ötən gün “Srvena Zvezda” ilə qarşılaşıb. Milan klubu 4:0 hesablı qələbəni bayram edib. Komandanın qollarından birini Taremi vurub.

Simone İnzaqinin yetirmələri 3-cü turda İsveçrənin “Yanq Boyz” komandası ilə qarşılaşacaq.