Rodriqo yeni transfer haqda: “İndi o, Bobbidir, Endrik deyil”

”Real”ın və Braziliya millisinin hücumçusu Rodriqo komanda yoldaşı Endrik haqqında danışıb.

Komanda.az ESPN-ə istinadən xəbər verir ki, o, yayda Madrid klubuna keçən futbolçunu ingiltərəli sabiq oyunçu Bobbi Çarltona bənzətdiklərini deyib:

“İndi o, Bobbidir. O, artıq Endrik deyil. Zarafatı qəbul edir. “Real”da onu yaxşı qarşıladılar, burada yaxşı komandamız var. Biz onun keyfiyyətlərini və bizə necə kömək edə biləcəyini bilirik. O, Bobbi oldu, hamısı budur. Bunu sakitcə qəbul edir. O, heç nə edə bilməz, çünki əsəbiləşsə, daha da pis olacaq!”

Madrid klubu İspaniya çempionatının ilk dörd turunda 8 xal toplayıb.