Mbappeni belə tənqid edən olmamışdı

Fransalı jurnalist Daniel Riolo hücumçu Kilian Mbappeni sərt tənqid edib.

Komanda.az “RMC Sport”-a istinadən xəbər verir ki, tanınmış jurnalist Mbappenin başqalarına iyrənc münasibətinin olduğunu bildirib:

“Bu adamın başqalarına iyrənc münasibəti var. Ya yalan danışır, ya da, həqiqətən axmaqdır. Onun insanların fikirlərinə əhəmiyyət vermədiyini deməyə haqqı yoxdur… Mbappe həqiqətən belə düşünürsə, o zaman futbolu dayandırmalıdır! Axı, stadion emosiyaları yaşamağa gələn insanlarla doludur.

Fransa millisində özünü korlanmış və həqarətli adam kimi apara bilməzsən, İspaniya mətbuatında isə təbəssümlər və göz qırpmaları var”.

Həmçinin, jurnalistin sözlərinə görə, 25 yaşlı forvard ətrafındakı insanlara və Fransa millisinin azarkeşlərinə laqeyd yanaşır.

“Real”da çıxış edən Mbappe daha əvvəl tənqidlərə və azarkeşlərin fikirlərinə əhəmiyyət vermədiyini bildirmişdi.