Məşhur futbolçu azarkeşi təhqir edib

“Atletik”in və İspaniya millisinin hücumçusu Niko Uilyams azarkeşin onu “Real”da görmək istəyinə kobud şəkildə cavab verib.

Komanda.az “Cadena Ser”-ə istinadən xəbər verir ki, komandanın açıq məşqi zamanı bir azarkeş Uilyamsın ünvanına qışqırıb:

“Niko, gələn il “Real”da”.

Daha sonra “Atletik”in vingeri azarkeşin çağırışına belə cavab verib:

“Sən əclafsan, cəhənnəmə get”.

Yay transfer pəncərəsi zamanı “Barselona”nın 22 yaşlı oyunçu ilə maraqlandığı haqda xəbərlər yayılsa da, klublar arasındakı fikir ayrılığına görə müqavilə baş tutmayıb.

Uilyams 2021-ci ildən “Atletik”də çıxış edir. Onun klubla müqaviləsi 2027-ci ilin ortalarına qədərdir.