“Mbappe Portuqaliyanın ikinci divizion oyunlarına baxıb, suallar verirdi”

PSJ-nin keçmiş baş məşqçisi Maurisio Poçettino “Real”da çıxış edən Kilian Mbappe haqqında fikirlərini bölüşüb.

Komanda.az “Relova”-ya istinadən xəbər verir ki, argentinalı mütəxəssis Mbappenin axşamları evdə futbol matçlarına baxaraq keçirdiyini bildirib:

“Mbappe axşamları evdə futbol matçlarına baxaraq keçirirdi. Hərdən mənə zəng edib təhlil etdiyi oyunların fotolarını göndərirdi. O, hətta Portuqaliyanın ikinci divizion oyunlarına baxıb, bizə suallar verirdi. Kilian bunu öyrənmək və daha da yaxşı olmaq üçün edirdi”.

Mbappe bu yay “Real”ın sıralarına qoşulub. 25 yaşlı forvardla 5 illik müqavilə imzalanıb.