Azərbaycan millisi Belarusa növbəti dəfə uduzub

Çimərlik futbolu üzrə Azərbaycan millisi Bakıda təşkil edilən təlim-məşq toplanışında ikinci yoxlama görüşünü keçirib.

Komanda.az xəbər verir ki, yığma növbəti dəfə Belarusla üz-üzə gəlib.

Su İdmanı Sarayının çimərlik futbolu meydançasında baş tutan qarşılaşmada rəqib 3:2 hesablı qələbə qazanıb.

Komandamızın heyətində qolları Amid Nəzərov və Sabir Allahquliyev vurublar.

Tərəflər arasında bir gün əvvəl keçirilən qarşılaşmada Belarus yığması 4:2 hesabı ilə qalib gəlib.

Yeni baş məşqçi Sahib Məmmədovun rəhbərliyi altında avqustun 1-dən təlim-məşq toplanışında olan Azərbaycan yığmasının hazırlığı ayın 31-dək davam edəcək.