UEFA-dan “Qarabağ”ın rəqibinin azarkeşlərinə “yaşıl işıq”

UEFA “Qarabağ”ın Çempionlar Liqasının pley-off mərhələsində rəqibi olan “Dinamo”ya (Xorvatiya) azarkeşlərlə bağlı tətbiq etdiyi qadağanı aradan qaldırıb.

Komanda.az xəbər verir ki, bu barədə Zaqreb klubunun mətbuat xidməti məlumat yayıb.

Bildirilib ki, Avropa futbol qurumu komandanın fanatlarına səfər matçlarına getməyə icazə verib.

“Dinamo” isə öz növbəsində tərəfdarlara oyunlar zamanı qanun pozuntularına yol verməməyə çağırıb.

Ölkə çempionu Bakıdakı cavab görüşündə bilet satışı ilə bağlı azarkeşləri məlumatlandıracağını bəyan edib.