“Neftçi” Rusiya Premyer Liqasında 6-16-cı yerlər arasında istənilən pillədə yer ala bilər” – Arşavin

Rusiya millisinin sabiq üzvü Andrey Arşavin Avropa Liqasının 2-ci təsnifat mərhələsi çərçivəsində keçirilən “Arsenal” (Tula) – “Neftçi” matçından (0:1) sonra yerli mətbuata açıqlama verib.

Komanda.az xəbər verir ki, Arşavin, “Neftçi”nin daha yaxşı tərəf olduğunu deyib:

“Neftçi” Rusiya Premyer Liqasında 6-16-cı yerlər arasında istənilən pillədə yer ala bilər. “Arsenal”ın tam gücünü daha sonra biləcəyik, ancaq ilk növbədə “Neftçi”ni keçmək lazımdır. Azərbaycanlılar daha yaxşı hücum etdilər. Harda vurmaq lazım idisə, vurur, harda ötürmə lazım idisə, ötürürdülər. “Arsenal”ın heyətində Kanqvanın oynaması daha yaxşı olardı. Xatırlayıram ki, Azərbaycan millisinə qarşı çıxış etdiyim zaman onlar sərt futbol göstərirdilər”.

“Neftçi” ilə “Arsenal” arasındakı cavab matçı avqustun 1-də, 8-ci km stadionunda olacaq.