“Bu, hamımızın zövq aldığı Kazemirodur”

“Mançester Yunayted”in baş məşqçisi Erik ten Haq yarımmüdafiəçi Kazemironun “Fulhem”lə oyundakı çıxışını şərh edib.

Komanda.az xəbər verir ki, niderlandlı çalışdırıcı mətbuat konfransında Kazemironun “Fulhem”lə matçda çox vacib oyunçu olduğunu bildirib:

“Kazemiro “Fulhem”lə matçda çox vacib oyunçu idi. O, həm topla, həm də topsuz yaxşı çıxış etdi. Bu, hamımızın zövq aldığı Kazemirodur”.

Braziliyalı futbolçu komandasının start heyətində meydana çıxıb və 1:0 hesablı qələbədə rol oynayıb.

Kazemironun bu yay “Mançester Yunayted”dən ayrılıb Səudiyyə Ərəbistanına gedə biləcəyi ilə bağlı xəbərlər yayılmışdı. Göründüyü kimi, o, “qırmızı şeytanlar”da qalacaq.