“Atletiko” ilə “Çelsi” razılığa gələ bilmir

“Çelsi” və “Atletiko” hələ də hücumçu Joao Feliksin transferi ilə bağlı razılığa gələ bilmir.

Komanda.az xarici KİV-ə istinadən xəbər verir ki, Madrid klubu portuqaliyalı futbolçu üçün 60 milyon avro istəyir, londonlular isə hələlik 35 milyon təklif edir.

Konor Qallaherin “Atletiko”ya transferi Feliksin keçidindən asılıdır. O “Çelsi”yə getməsə, ingiltərəli yarımmüdafiəçi Madrid klubu ilə müqavilə imzalamayacaq. Feliks 2022/23 mövsümünün ikinci yarısında icarə əsasında “Çelsi”də çıxış edib.

24 yaşlı Feliks ötən mövsüm icarə əsasında çıxış etdiyi “Barselona” ilə La Liqada 7 qol vurub və 3 məhsuldar ötürmə edib.