“Mançester Yunayted”dən ayrılan futbolçu “Vest Hem”də – Rəsmi

Müdafiəçi Aaron Van-Bissakanın “Mançester Yunayted”dən “Vest Hem”ə transferi başa çatıb.

Komanda.az London klubunun rəsmi saytına istinadən xəbər verir ki, ingiltərəli futbolçu “Vest Hem”ə keçmək qərarına heç bir şübhəsinin olmadığını bildirib:

“Vest Hem”ə keçmək qərarıma heç bir şübhəm yox idi. Mən burada hər bir oyunçunun bir-birini qələbəyə doğru çəkdiyi birləşmiş komanda görürəm”.

“Vest Hem” 26 yaşlı futbolçu üçün 20 milyon avro təzminat ödəyib.

Van-Bissaka 2019-cu ildə “Mançester Yunayted”ə “Kristal Pelas”dan 55 milyon avroya transfer olunmuşdu. O, “qırmızı şeytanlar”ın baş məşqçisi Erik ten Haqın yeni mövsümdə planlarına daxil edilməyib.