“Benfika”da daha bir il qaldığım üçün xoşbəxtəm”

“Benfika”nın 36 yaşlı yarımmüdafiəçisi Anxel di Maria yeni müqavilə imzaladıqdan sonra açıqlama verib.

Komanda.az klubun rəsmi saytına istinadən xəbər verir ki, argentinalı futbolçu, “Benfika”da daha bir il qaldığı üçün xoşbəxt olduğunu bildirib:

“Benfika”da daha bir il qaldığım üçün xoşbəxtəm. Ümid edirəm ki, ötən mövsüm əldə etmədiyimiz kubokları qazana biləcəyik. Mən həmişə qalib gəlməyə can atan adi oğlanam və indi elə yaşa çatmışam ki, öz təcrübəmi komanda yoldaşlarıma ötürə və onları motivasiya edə biləcəm”.

Lissabon klubu argentinalı yarımmüdafiəçi ilə əməkdaşlığı davam etdirdiyini rəsmən elan edib. Onun müqaviləsi 2024/25 mövsümünün sonuna kimidir.

Di Marianın “qartallar”la əvvəlki müqaviləsi iyulun əvvəlində başa çatmışdı.