Kurtua türkiyəli futbolçunu təriflədi

“Real”ın qapıçısı Tibo Kurtua ötən yay Madrid klubuna keçən türkiyəli yarımmüdafiəçi Arda Güləri tərifləyib.

Komanda.az xarici KİV-ə istinadən xəbər verir ki, belçikalı qolkiperin sözlərinə görə, Gülər ​​bir il ərzində çox dəyişib:

“Bu, keçən yaydan fərqli bir Gülərdir. Dizindəki zədədən sonra idman zalında çox çalışır və fiziki cəhətdən necə dəyişdiyini görə bilərsiz. Hücumda yaxşıdır, ötürmələrdə də yaxşıdır. Çoxlu yaxşı oyunçularımız var və onlar rəqabət aparacaqlar. Bu, “Real”ın kuboklar qazanmasına kömək edir”.

“Real” 2024/2025 mövsümünün ilk rəsmi matçını avqustun 14-də – UEFA superkubokunda “Atalanta”ya qarşı keçirəcək.