Tanınmış futbolçu Portuqaliya klubuna keçib – Rəsmi

“Mançester Yunayted”in sabiq yarımmüdafiəçisi Luiş Nani Portuqaliyanın “Estrela” klubuna keçib.

Komanda.az Portuqaliya klubunun rəsmi saytına istinadən xəbər verir ki, 37 yaşlı futbolçu “Estrela” ilə 2025-ci ilin iyununa qədər olan müqavilə imzalayıb.

Naninin karyerasındakı son klub 2023-cü ilin iyulundan 2024-cü ilin mayına kimi çıxış etdiyi Türkiyənin “Adana Dəmirspor” komandası olub.

Nani “Sportinq”, “Fənərbaxça”, “Valensiya”, “Latsio”, “Orlando” və “Melburn” kimi klublarda da forma geyinib.

Portuqaliyalı yarımmüdafiəçi millinin heyətində 112 oyun keçirib və 23 qol vurub.