Fabreqas yeni transfer haqda: “Onun böyük təcrübəsi var”

“Komo”nun baş məşqçisi Sesk Fabreqas daha əvvəl “Real” və “Mançester Yunayted”də çıxış etmiş mərkəz müdafiəçisi Rafael Varanın transferini şərh edib.

Komanda.az İtaliya klubunun mətbuat xidmətinə istinadən xəbər verir ki, ispaniyalı çalışdırıcı Varanın xüsusi futbolçu olduğunu bildirib:

“Varan xüsusi futbolçudur. Onun keçidi klubumuzun iddiasını nümayiş etdirir. Bu futbolçu karyerasında bir çox kuboklar qazanıb. Onun böyük təcrübəsi var. Onunla çalışmaq üçün səbirsizlənirəm”.

Varan “Komo”ya azad agent kimi keçib. Fransalı müdafiəçi klubla 2 illik müqavilə imzalayıb.