“Real” fransalı futbolçu ilə müqaviləni uzadıb

“Real” fransalı futbolçusu Ferlan Mendi ilə yeni müqavilə bağlayıb.

Komanda.az “Marca”-ya istinadən xəbər verir ki, 29 yaşlı futbolçu ilə müqavilənin müddəti 2027-ci ilə qədər uzadılıb.

Onun Madrid təmsilçisi ilə əvvəlki müqaviləsinin müddəti 2025-ci ilə qədər nəzərdə tutulmuşdu.

Mendi 2023/24 mövsümündə “Real”ın heyətində meydana çıxdığı 37 oyunda 1 qol vurub.