“Bayern” Saneni satıb, ispaniyalı futbolçunu almağa çalışacaq

“Bayern” yarımmüdafiəçisi Leroy Sanenin gələcəyi ilə bağlı qərar verib.

Komanda.az “Todofichajes”-ə istinadən xəbər verir ki, Münhen klubunun rəhbərliyi yay transfer pəncərəsində almaniyalı futbolçunu satmağı düşünür.

28 yaşlı vingerin “Bayern”lə hazırkı müqaviləsi 2025-ci ilin iyun ayının sonuna qədərdir. O, 2020-ci ildən Münhen komandasında çıxış edir.

“Bayern” Saneni satsa, onun yerinə “Atletik”dən ispaniyalı yarımmüdafiəçi Niko Uilyamsı almağa çalışacaq. Bu futbolçunun xidmətində “Barselona” da maraqlıdır.