“Bir neçə həftədir ki, “Zirə” ilə görüşə hazırlaşırıq” – “Şerif”in futbolçusu

“Müsbət nəticə üçün əlimizdən gələni edəcəyik”. 

Komanda.az xəbər verir ki, bunu “Şerif”in kapitanı Mussa Kiabu Moldovada “Zirə”yə qarşı keçirəcəkləri UEFA Avropa Liqasının 1-ci təsnifat mərhələsinin ilk oyunundan əvvəl mətbuat konfransında deyib.

Malili yarımmüdafiəçi bu oyunun onlar üçün çox önəmli olduğunu bildirib:

“Bir neçə həftədir ki, bu görüşə hazırlaşırıq. Avrokubokda ilk matçımızdır. Komandaya yeni qoşulanlar var. Bizim vəzifəmiz onlara ailənin əhatəsində olduqlarını hiss etdirməkdir”.

“Şerif” və “Zirə” arasında ilk görüş iyulun 11-də, saat 21:00-da “Şerif” İdman Kompleksində keçiriləcək. Cavab matçı isə bir həftə sonra “Liv Bona Dea Arena”da olacaq. Qarşılaşmanın start fiti saat 20:00-da səslənəcək.