“Mançester Yunayted”in futbolçusu “Jirona”da

“Jirona” yeni yarımmüdafiəçinin transferini həll edib.

Komanda.az xarici KİV-ə istinadən xəbər verir ki, İspaniya klubu tezliklə “Mançester Yunayted”in futbolçusu Donni van de Beeklə müqavilə imzalayacaq. Transfer məbləğinin 400 min avro olacağı qeyd edilir. Müqavilədə 4-5 milyon avro təşkil edən təzminat nəzərdə tutulur.

Van de Beek müəyyən hədəflərə çatarsa, “Mançester Yunayted” əlavə 15 milyon avro qazanacaq.

Niderlandlı futbolçu ötən mövsümün yanvarında icarə əsasında “Ayntraxt”a keçsə də, Bundesliqada özünü doğrulda bilməyib. Almaniya klubu yarımmüdafiəçini daimi olaraq almaqdan imtina edib.