“Atletik” Uilyamsa görə narahat deyil

“Atletik”in prezidenti Fidel Uriarte hücumçu Niko Uilyamsın gələcəyi ilə bağlı danışıb.

Komanda.az xarici KİV-ə istinadən xəbər verir ki, klub prezidenti, Uilyamsa marağın normal olduğunu bildirib:

“Uilyamsa maraq normaldır. Lakin o, özü Bilbaoda çox xoşbəxtdir və onun bizim üçün oynamasından çox şadıq. Mən deməzdim ki, biz narahatıq”.

İspaniyalı futbolçuya top-klublar maraq göstərir. Onun müqaviləsində təqribən 58 milyon avroluq sərbəst qalma bəndi nəzərdə tutulub.

Uilyams dünən Avropa çempionatının qrup mərhələsinin 2-ci turunda İtaliya ilə matçda (1:0) oyunun ən yaxşısı seçilib.

21 yaşlı futbolçu La Liqanın son mövsümündə 5 qol vurub, 11 məhsuldar ötürmə edib.