“Real” onun yerinə 2 namizədi nəzərdən keçirir

Dani Karvahal 2025-ci ilin yayında “Real”ı tərk edə bilər.

Komanda.az AS-a istinadən xəbər verir ki, “kral klubu”nun rəhbərliyi ispaniyalı müdafiəçinin yerinə əvəzləyici axtarmağa başlayıb.

Karvahalın yerinə namizədlər siyahısında iki ad var. Söhbət PSJ-nin müdafiəçisi Əşrəf Hakimi və “Çelsi”də çıxış edən Ris Ceymisdən gedir. Hələlik Madrid klubu prioritet seçiminə qərar verməyib.

Karvahal “Real”ın yetirməsidir. 32 yaşlı futbolçu ötən mövsüm 41 oyuna çıxıb, 6 qol vurub və 5 məhsuldar ötürmə edib.