“Real” fransalı futbolçu üçün sərfəli təklif gözləyir

“Real”ın müdafiəçisi Ferlan Mendi komandanı tərk edə bilər.

Komanda.az “Relevo”-ya istinadən xəbər verir ki, “kral klubu” sərfəli təklif alacağı təqdirdə, fransalı futbolçunun satılmasını istisna etmir.

Komandanın baş məşqçisi Karlo Ançelotti isə Mendidən ayrılmağa elə də müsbət yanaşmır. İtaliyalı mütəxəssis futbolçunu növbəti mövsümdə komandada saxlamağa ümid edir.

Mendi İspaniya çempionatının ötən mövsümündə 23 oyun keçirib və 5 sarı vərəqə alıb. 29 yaşlı müdafiəçi bu il “Real”la birlikdə La Liqanın və UEFA Çempionlar Liqasının qalibi olub.