“Səbail” Ağabala Ramazanovla vidalaşdı

Kapitan Ağabala Ramazanovla “Səbail” arasında müqavilənin müddəti başa çatıb.

Komanda.az xəbər verir ki, klub kapitana bu günə kimi göstərdiyi xidmətlərə görə təşəkkür edib, gələcək karyerasında uğurlar arzulayıb.

Ramazanov karyerası ərzində 2 dəfə – 2018-2020 və 2022-2024-cü illər mövsümündə “dənizçilər”in formasını geyinib, ümumilikdə 80 oyuna çıxıb. O, bu matçlarda 20 qol vurub, 8 məhsuldar ötürmə edib.